بـــايـع حــــــيــاته

اتخيلك ..{ فنجان قهوة على الريق
............... يشتاق للـ [ سكر ] وزايد حلاته


اروي به عروقي .. وابل المعاليق
............... واذوب في لمست شفاي لـ شفاته


واتخيلك ..{ نسمه تلامسني وافيق
............... اتنفسك يا من اسرني بصفاته


أسمع كلامك ] صمت من غير تعليق
............... اسرح .. وأنا كلي أمل في رضاته


والله قلبي داخل اسواركم سيق
............... محد(ن) بهالـدنيا يسوي سواته


لا شفت زولك صفق القلب {تصفيق}
............... والروح راحت تتبعك في ثباته


أنت الذي من بين كل المخاليق!!
............... احييت قلب(ن) بعد ماعلن وفاته!!


منك عرفت الطيب لو كنت في ضيق
............... ومنك تعلمت [الحديث] .. [وسكاته]


احيد درب(ن) يبعدك عني ويعيق
............... واقطع دروب(ن) لك تسبب شقاته


بعلمك حب(ن) حفظته بتطبيق
............... أول دروسه كيف تبني غلاته؟!


وآخر دروسه خاتمه معها تحقيق
............... حب(ن) كبير(ن) ما يخيب رجاته


بكون غصن(ن) ثابت(ن) دون تعريق
............... وعروق قلبك تسقي الغصن ماته


وبكون ..{ شمسك والقمر ظل ورفيق
............... بساهر نجومك واردد .. غناته


أنا معك .. لو خنت كل المواثيق!!
............... ما همني لو قالو [ بايع حياته ]